التنفيذ أصعب من التخطيط .. مختصرات فى ادارة الاعمال

التنفيذ أصعب من التخطيط .. مختصرات فى ادارة الاعمال

بقلم الدكتور / كريم عاطف القفاش

التنفيذ أصعب من التخطيط .. مختصرات فى ادارة الاعمال

في كتب الإدارة الاستراتيجية، التخطيط هو نقطة البداية: رؤية، رسالة، أهداف، تحليل سوق، ومؤشرات أداء.

لكن في السوق المصري، الحقيقة مختلفة شوية الاستراتيجية لا تختبر في الاجتماعات… لكنها تختبر في التنفيذ.

ممكن تضع خطة استراتيجية متكاملة، مبنية على تحليل SWOT، وتوقعات مالية دقيقة، لكن أول ما تنزل أرض الواقع، تكتشف إن المتغيرات أسرع من أي نموذج نظري.

بسبب أسعار بتتغير، تكلفة تشغيل بتقفز، سيولة بتضغط، وقرارات لازم تتاخد قبل اكتمال البيانات.

وهنا يظهر الفرق بين إدارة تخطط وإدارة قادرة على التنفيذ.

المدير الاستراتيجي الحقيقي هو اللي يعرف:

إمتى يحافظ على الاتجاه العام وإمتى يغير التكتيك وإمتى يقبل خسارة قصيرة علشان يحمي استدامة طويلة

أغلب الاستراتيجيات لا تفشل بسبب سوء التخطيط، لكن بسبب ضعف القدرة التنفيذية:

فرق عمل غير جاهزة ، نظم متابعة ضعيفة ،فجوة بين الإدارة العليا والتشغيل اليومي

وهنا تتحول الاستراتيجية من أداة قيادة إلى عبء على القرار.

إدارة الأعمال في السوق المصري هي إدارة ميدان .

القائد لازم يكون حاضر وسط التشغيل، فاهم التفاصيل، ترتيب الأولويات ، محافظ على السيولة ،متابع المؤشرات الحقيقية مش بس التقارير.

والاهم التعليم المؤسسي وخلق كوادر قادرة على الادارة تناسب تفويض السلطات .

علشان كده،

في بيئة عالية التقلب زي السوق المصري:

التخطيط الاستراتيجي ضرورة ، لكن إدارة التنفيذ هي اللي تصنع البقاء والنمو.