في قصة غريبة ونادرة .. مصرية ترزق بـ9 توائم في بطن واحدة..

في قصة غريبة ونادرة .. مصرية ترزق بـ9 توائم في بطن واحدة..

عرض الإعلامي عمرو الليثي خلال برنامجه “واحد من الناس” المُذاع على قناة “الحياة”، قصة غريبة ومثيرة ونادرة للغاية، وهي قصة أم رزقت بـ 9 توائم في بطن واحدة.

 

وقالت الأم “السيدة غزالة” إنها رُزقت في البداية بـ 3 بنات، وأخبرها الدكتور أنها لن تحمل مرة ثانية بسبب زيادة نسبة الهرمونات داخل جسمها، معقبة: “قالي مش هتخلفي تاني واحمدي ربنا على الـ 3 بنات دول .. بعد ما البنت الصغيرة بقى عندها 5 سنين اتفاجأت إني حامل في 9 أطفال”.

 

وأضافت “غزالة” قائلة: “كنت حامل في شهرين ولما روحت للدكتور قالي فيه 9 نقاط في بطنك، والـ 9 نقط دول يعني 9 عيال .. قولتله إزاي الكلام ده وأنا أصلاً مينفعش اخلف تاني .. قالي فيه 9 نقاط في الرحم يعني 9 عيال”.

 

وتابعت الأم: “كنت عايزة أجهضهم علشان ظروفى متسمحش إننا نصرف عليهم وكان معايا 3 بنات أصلاً من الأول”، مشيرة إلى أن زوجها يعمل فلاحا في الصحراء بأُجرة.

 

وأكملت: “قولت للدكتور أنا عايزة أجهضهم لأني بناتي لسة صغيرين وأنا خايفة على نفسي .. بس قالولي احنا منقدرش نجهضك لأن فيهم عيال متخلقة .. قولتلهم احقنوا اللي متخلقوش .. قالولي لازم يكمل الحمل وتتابعي مع دكتور”.

 

وأشارت إلى أنها فى الشهر الخامس من الحمل خضعت لعملية خلع ضرس، مضيفة: “كان فيه ولدين من الـ 9 أطفال ماتوا في الشهر الخامس .. وفضلوا في بطني لحد ما جيت ولدت في اليوم الأخير من الشهر الثامن.. وكنت باخد حقن توسيع بطن عشان الـ 7 أطفال التانين يعرفوا يتحركوا .. ولما ولدت الحمدلله الـ 7 كانوا كويسين”.