#إسماعيل_الليثي يعلق على استغاثة زوجته #شيماءسعيد : كل واحد يخليه في حاله.. فيديو
#إسماعيل_الليثي يعلق على استغاثة زوجته #شيماءسعيد : كل واحد يخليه في حاله.. فيديو
أعرب المطرب الشعبي إسماعيل الليثي، عن استيائه عن ما تم تداوله عبر منصات التواصل الاجتماعي خلال الساعات القليلة الماضية، وذلك بعدما أثارت زوجته البلوجر شيماء سعيد حالة من الجدل نتيجة استغاثتها بالتعدي والسرقة والخطف.
وخرج إسماعيل الليثي، عن صمته معربا عن استيائه مما حدث في مقطع فيديو عبر حسابه الرسمي بموقع التواصل الاجتماعي فيسبوك ، معلقا على ما تم تداوله قائلا: اللي حصل خناقة أسرية زي أي واحد اتخانق مع مراته وبينزل من البيت .
كما أضاف إسماعيل الليثي: صحيت من النوم، إحنا في العيد كل سنة وانتم طيبين، حصل مشكلة بسبب كلام بيني وبينها، زي أي حد مسك في مراته واتخانق مع مراته، وسيبتها ونزلت لا فيه ضرب ولا أي حاجة .
وتابع الليثي: مصر كلها عارفة مين أبو رضا وإني شبعان وإني دايما في زيادة ليها، مقدرش أقول حاجة عليها لأنها أم رضا، هي مراتي وأنا مخدتش حاجة وكل حاجة معاها ولو أخدت أي حاجة اتحاسب .
كما وجه الليثي رسالة لمن يتدخل في حياته مع زوجته، قائلا: ياريت كل واحد يخليه في نفسه، لا أنا وحش ولا عمركم سمعتم عني حاجة وحشة، ودي خناقة أسرية بين راجل ومراته محدش يتدخل بينا، آه هي نزلت الفيديو وانفعلت، بس عشان محدش يقعد يكتبلي ما هي اللي نزلت وقالت، بس أنتم عارفين إنها مراتي، كل واحد بيتخانق مع مراته .
كما أردف: ربنا يهدي الحال ويهدي حالها ويديها الخير كله ويجعلها أحسن مني دايما، ومفيش بيني وبينها أي حاجة ومخدتش منها حاجة ولا باخد حاجة من حد ومحدش ليه عندي جنيه، محدش يتدخل ويكتب أخبار كاذبة ويقول ضربها وسرقها وخد دهبها، أنت شفت، حد شافني، طول عمري في زيادة ليها، وربنا يجعلها دايما من المستورين، هي لسه مراتي وعلى ذمتي..