الفنان أحمد الفيشاوي: 95% من ممثلين مصر عاملين تاتو.. والناس بدأوا يتحرروا من الحجاب والنقاب
الفنان أحمد الفيشاوي: 95% من ممثلين مصر عاملين تاتو.. والناس بدأوا يتحرروا من الحجاب والنقاب
لقد تحدث الفنان أحمد الفيشاوي، عن الوشوم التي رسمها على جسده، موضحًا أن الأمر ليس نادرًا، خاصة وأن هناك العديد من النجوم اعتمدوا رسم الوشوم على أجسادهم.
وقال أحمد الفيشاوي، في حواره مع الفنان عباس أبو الحسن، في بودكاست حوارات مع عباس: 95% من ممثلين مصر عاملين تاتو دلوقتي، الناس بدأت تتحرر من الحجاب والنقاب، وبدأوا يعبروا عن نفسهم وعن الفن اللي عايزين يعملوه من غير ما حد يقول حرام.
أحمد الفيشاوي: يوسف شاهين قال المسلسل تمسح بيه الزجاج أو تحط فيه طعمية
كما أعرب أحمد الفيشاوي، عن حبه الشديد للسينما، قائلًا: أنا مقدرش أقعد 3 شهور أصور نفس الشخصية حتى لو هاخد كنوز الدنيا، الناس دلوقتي بتقول إني نجم شباك، والآراء دي أنا مجمعها من الناس ومن المخرج يوسف شاهين، اللي قال المسلسل زي الجورنال تقرأه وتمسح بيه الزجاج أو تحط فيه طعمية، بس الفيلم زي الكتاب هتقدسه في مكتبتك.
وتابع: أستاذ وحيد حامد قالي التلفزيون ده رغي، والأستاذ فاروق الفيشاوي قالي التلفزيون لا ذاكرة له، وأنا بقى بنيت على الكلام ده كله أنك لو عملت مسلسل هتقعد على الكنبة تتفرج عليه، ولكن لو عملت فيلم هتلف العالم في المهرحانات وتشوف الدنيا.
أحمد الفيشاوي: مينفعش أقول على الفنان قدوة
أما عن فكرة جعل الفنان قدوة للجمهور، فعلق أحمد الفيشاوي: مينفعش أقول على الفنان قدوة لأن مش كل فنان قدوة، أنا ممكن اقتدي بيك أقول بيخلي باله من صحته وبيحترم الناس، وممكن يكون فنان في سني ولا بيحترم نفسه ولا الناس، فالمفروض نكون قدوة حسنة، وعلشان كده مش أي فنان قدوة، الفنان اتعمل عشان يسلي الناس.