الإقتصاد التنافسي ..وسيلة لخلق فرص العمل 

الإقتصاد التنافسي ..وسيلة لخلق فرص العمل 

بقلم : الدكتور كريم عاطف القفاش

الإقتصاد التنافسي ..وسيلة لخلق فرص العمل 

تنافسية الاقتصاد هو مؤشر تختصر به معانى ومرادفات كثيره .

♻️ ببساطة

تنافسية الاقتصاد بتبدأ من الشارع ومن الورشة ومن المكتب الصغير

بمعنى قدرة الدولة على خلق بيئة تخلي المشروع المحلي أكثر كفاءة ، أقل تكلفة ، وأسرع في الحركة قدام المنافسة .

♻️ يعني إيه؟

✅ لما الترخيص يبقى واضح وسريع، ده اقتصاد تنافسي.

✅ لما النقل ، والطاقة، والخدمات اللوجستية تقل تكلفتها وتتحسن جودتها، ده اقتصاد تنافسي.

✅ لما صاحب المشروع ينشغل بالإنتاج مش بالجري وراء المصالح والتوقيعات، ده اقتصاد تنافسي.

✍️ التنافسية الاقتصادية دولة بتستثمر في التعليم الفني، والبنية التحتية، والرقمنة، عشان تختصر الوقت وتقلل الفاقد .التنافسية الاقتصادية بتخرج الدولة من دائرة الاستهلاك إلى دائرة الإنتاج .دولة تنظم المنافسة مش تتدخل فيها كمنافس لحل ازمة .

✍️ التنافسية مش تخفيض أجور ولا ضغط على العمالة فى الشركات ، ولا سباق دعم مؤقت من الدولة . التنافسية الحقيقية هي إنتاجية أعلى مصانع أكثر فرص عمل أكثر ، وتكلفة أقل ، وجودة تقدر تنافس .

🎯 وبكدا تقدر تأجب على سؤال بسيط جدا :

هل المنتج المصري يقدر يكسب برّه؟ مش يعيش… يكسب .

♻️ وأهم نقطة بقى:

اقتصاد من غير تنافسية يعني أسعار أعلى وأحتكار سلع ، فرص عمل أقل ، وضغط مستمر على المواطن .نمو شكلي ، وأرقام حلوة، بس شغلانة مش مستمرة ولا كرامة إنتاج . التنافسية مش ضد العدالة الاجتماعية ، لأن اقتصاد ضعيف بيوزع فقر، واقتصاد تنافسي بيخلق فرص .

ومع كل خطوة

نقرب فيها من رؤية مصر 2030

كدولة منتجة، مش دولة بتدير أزمات.