#عاجل_وفاء_مكي تنهار من البكاء على الهواء بعد ظهور دليل براءتها وتهاجم #ميار_الببلاوي
#عاجلوفاءمكي تنهار من البكاء على الهواء بعد ظهور دليل براءتها وتهاجم #ميار_الببلاوي
انهارت الفنانة وفاء مكي، من البكاء، على الهواء، بعد تصريحات ميار الببلاوي الأخيرة والتي حملت دليل برائتها في قضية تعذيبها لخادمتين التي مر عليها 23 عاما
وقالت وفاء مكي خلال لقائها ببرنامج “الترابيزة” الذي تقدمه الإعلامية أميرة بدر بقناة “هي”:”كنت بتنامي أزاي وبتاكلي وتشربي ازاي وانتي ظلماني يا ميار الببلاوي، ومعاكي دليل برائتي وكتمتي الشهادة”
اخفاء ميار الببلاوي دليل براءة وفاء مكي
وأضافت وفاء مكي باكية:”كنت بقولها انتي معاكي دليل برائتي تعالي وقولي كلمة حق، كنت بناديلك يا ميار وأقولها تعالي ابوس ايدك تعالي قولي كلمة حق واشهدي واتقى الله وقالت انا مكنتش موجودة ولما رجعتي بعد 6 شهور وعرفتي اني اخدت 10 سنين سجن ليه مروحتيش للنقابة وساعدتني وبرأتيني وساعدتيني أخرج من السجن، علي الأقل علشان ضميرك يبقى مرتاح ولحد امبارح طلعت عينا علشان تنطق بالحق”
وتابعت:”اقسم بالله العظيم معرفش ان حد هدد ميار الببلاوي حال شهدت في قضيتي وقالت كلمة الحق، بس لو حد هددها تبرأ ذمتها من الله علشان ترتاحي وفي الاَخرة هتقابل ربنا ازاي؟ هتواجهي ربنا ازاي؟ اللى بيكتم الحق ده شيطان أخرس”
رسالة قوية من وفاء مكي لـ ميار الببلاوي
وأضافت:”معنديش حاجة اقولها غير الحمد لله علي السراء والضراء، ميار الببلاوي كان فرح ابنها يوم الاثنين اللى فات وسيد شعراوي ضغط عليا وقال لي تعالى نروح لها يمكن تطلع تقول شهادة الحق وهي مكنتش عايزة تطلع تتكلم وتقول شهادة الحق، وبقينا ماشيين وراه اللى تقول عليه نقول عليه ماشي بحيث انها تطلع تتكلم وتقول كلمة الحق وبقولها مصعبتش عليكي وانا محبوسة ظلم؟”