طريقة عمل رموش الست
رموش الست اسهل واحلي الحلويات الشرقي بتدوب في البوق
نصف كوب سميد
كوب و ربع دقيق
نصف كوب زبدة
معلقتين كبار سكر مطحون
معلقتين كبار جوز هند ناعم
بيضة
نصف معلقة صغيرة فانيليا
نصف معلقة صغيرة بكينج باودر
معلقة كبيرة حليب
في طبق نحط الزبدة على السكر البودره ونضربهم كويس بمضرب يدوي لحد ما السكر يدوب وبعدين نضيف البيضة والفانيليا ومعلقة الحليب ونضرب كويس
في طبق تاني ننخل الدقيق ونضيف معاه السميد وجوز الهند والبيكينج البودر و بعدين نضيفهم على خليط الزبدة و السكر البودرة و نحرك لحد ما العجينة تبقا متماسكة
نحط الخليط بدون عجن في كيس نضيف و ندخله التلاجة لمدة نصف ساعة
ناخد مقدار معلقة من العجينة و نكورها على شكل عين ونضغط عليها بالشوكة بالطول و العرض
وندهن الوجه بيض وحليب بالفرشاه
ندخلها فرن مسخن مسبقاً على درجة حرارة ١٨٠ لمدة ٢٥ دقيقه لحد ما لونها يبقا ذهبي
نخرجها و نسقيها شربات خفيف ونزينها بالفستق المفروم أو جوز الهند.
وبالهنا والشفا