#أسود زي أبوك .. تعليق محمد رمضان على أزمة نجله

#أسود زي أبوك .. تعليق محمد رمضان على أزمة نجله

لاول مره..خرج الفنان محمد رمضان لأول مرة، للرد على أزمة نجله علي، بعدما أصدرت المحكمة قرار إدخاله دار رعاية اجتماعية عقب تعديه على صديقه في النادي بالضرب.

وقال محمد رمضان في منشوره عبر إنستجرام : القانون ده من 2018 يا سادة، بضرورة حماية الطفل والعيلة بحجب هوية mr1، الطفل واسمه وصورته عن الإعلام والصحافة، حتى لو كان مجرد شاهد في قضية، ولكن لان الطفل ده أبوه محمد رمضان يبقى حلال .

وتابع: وبالأمر يصدروا بيان صحفي لكل الصحف انشر صورة ابن محمد رمضان، واكتب انه هيتاخد من أمه وأبوه وهيروح دار الرعاية، مع أن القانون بيمنع النشر ولكنهم نشروا، من حقي كأب اعرف مين خالف القانون واصدر البيان الصحفي، اللي مفيش مؤسسة واحدة قدرت ترفض نشره .

وأكد رمضان : ابني اللي كان واضح في الفيديو اللي النيابة شافته، انه كان قاعد في حاله مع أخته الصغيرة في النادي، وراحوله مجموعة أطفال يقولوله انت اسود زي ابوك، وأبوك عنده فيلا كبيرة وعربيات علشان فلوسه حرام، انما احنا عايشين في شقق نيو جيزة علشان اهالينا مش حرامية .

واستكمل: لما ابني كلمني في التليفون سمعت الكلام ده بنفسي، وواضح أن ده كلام أهل طفل منهم، لان مستحيل طفل يفكر كدة، ورحت لأبني النادي واتكلمت مع الأطفال قدام فرد الامن ومدرب السباحة إنكم اخوات وجيران وده واضح في فيديوهات النادي اللي شافتها النيابة .

وأضاف: عموماً دي حلقة من سلسلة طويلة من الاضطهاد الواضح و القسوة، وبكتب النهاردة بس علشان ماتخيلتش انهم يدخلو اتجاهي لأكثر في معركتهم مع أبوه، ما توقعتش قسوة الحكم والتشهير طفل عنده 11 سنة بيا وبعيلتي للدرجة دي .

واكمل محمد رمضان: هنفضل أنا و أولادي وعيلتي نحب بلدنا وهنعيش ونموت فيها، ولا عاش ولا كان اللي يكرهني فمصر، نحيا كامصريين أولاً بحبنا لبعض بدون غيرة أو حقد أو استكتار علشان تحيا مصر .