عاجل- شاهد نفي بقضية سارة خليفة عن المتهم السادس عشر: كان غايب عن البيت ولما رجع اتقبض عليه

عاجل- شاهد نفي بقضية سارة خليفة عن المتهم السادس عشر: كان غايب عن البيت ولما رجع اتقبض عليه

استمعت هيئة محكمة جنايات القاهرة الجديدة لأقوال ناصر عيد رمضان، وهو حارس عقار، حول المتهم السادس عشر بصفته شاهد نفي في قضية المخدرات المتهم فيها سارة خليفة وآخرين.

اعترافات شاهد نفي بقضية سارة خليفة

ووجهت له المحكمة سؤال حول ما هي صلته بالمتهم السادس عشر في القضية؟ أجاب الشاهد: أنا معرفش اسمه كامل غير أن اسمه هاني ومعرفش الواقعة حصلت امتى، واللي أعرفه عنه أنه ساكن في العمارة عندي في حدائق الأهرام من حوالي 3 أو 4 أو 5 شهور.

وأكمل: اللي أنا فاكره إنه غاب عن البيت 5 أيام ورجع بس مش متذكر التاريخ ولما وصل دخل عربيته الجراش وقالي هاتلي المكوة، ولما روحت مراتي طلبتني وقالتلي في ناس عايزينك.

وأكمل: ولما روحت سألوني عن هاني ساكن فين، وبعدين طلعوا كسروا الباب ودخلوا يفتشوا وأخدوا التليفون بتاعي ولما طلعوا رجعهولي، قعدوا ساعتين تقريبًا وبعدين أخدوه في العربية اللي كانت في الجراش ومشيوا وهما اللي قفلوا الباب.