عاجل- أول تعليق من أسرة الصغيرين جابر ومؤمن بعد جولتهما الإنسانية مع صاحب صفحة إيجيبت كده كده
عاجل- أول تعليق من أسرة الصغيرين جابر ومؤمن بعد جولتهما الإنسانية مع صاحب صفحة إيجيبت كده كده
أكد الطفل جابر عن فرحته هو وشقيقه، بعد الجولة الإنسانية التي قاما بها مع صاحب صفحة “إيجيبت كده كده” الشهيرة، وذلك بعد تصدرهما التريند عبر منصات التواصل الاجتماعي خلال جولة إنسانية مؤثرة مع شخص غير مُعلن عن هويته.
أول تعليق من أسرة الصغيرين جابر ومؤمن بعد جولتهما الإنسانية مع صاحب صفحة إيجيبت كده كده
وقال الطفل جابر في تصريحات صحفية: جاب لنا ألعاب وشباشب وودانا نحلق، وجاب لي سكوتر وهدوم حلوة، أنا قاعد مع بابا.. ومامتى متوفية واللي بتراعيني مرات أخويا.
من جانبها، أكدت زوجة شقيق الطفل، أنها لا ترغب في أي مساعدة من دار رعاية، قائلة: أنا مش طالبة حاجة من حد، وعرض علينا دار رعاية لكن قولت لأ مش هخليهم يبعدوا عني، إحنا كل اللي عايزينه يطلع لهم شهادة ميلاد وأبوهم عايش.
وأضافت: محتاجين نطلع لهم شهادات ميلاد ضروري.. واحنا عايشين مستورين لكن نفسنا في سكن لأننا بننام في الشارع، وجابر ومؤمن وأرزاق شقيقتهم يروحوا مدرسة ويتعلموا.
وأوضحت أنها تتصرف في مقام الأم بالنسبة لهم، قائلة: نفسي يتعلموا وأفرح بيهم ونفسي يبقوا مرتاحين.. أنا مش عايزاهم يبعدوا عني، دول زي عيالي، واحنا مش بنستغل الناس واللي عايزه ربنا يكون.
كما أعرب صاحب الصفحة عن دعمه للأطفال، وردت الأسرة بقولها: ربنا يسترها عليك ويساعدك زي ما بتساعد الناس ويستر طريقك، ووعدنا إنه هيجي تاني.
يُذكر أن الجولة الإنسانية التي تضمنت شراء ألعاب وملابس وتجربة حلاقة للأطفال، لاقت صدى واسعًا بين متابعي صفحة إيجيبت كدة كدة، مؤكدين على أهمية مثل هذه المبادرات في إدخال البهجة على قلوب الأطفال المحتاجين.