الفنانة لقاء الخميسى عن واقعة حارس الاتحاد: الإنسانية راحت فين؟
الفنانة لقاء الخميسى عن واقعة حارس الاتحاد: الإنسانية راحت فين؟
انتقدت الفنانة لقاء الخميسى، هتاف جماهير الاتحاد السكندرى ضد حارس فريقهم أحمد يحيى عقب استقبال خمسة أهداف من سيراميكا كليوباترا، ما تسبب فى خروجه منهارا من البكاء.
وكتبت لقاء الخميسى عبر صفحتها بموقع “فيسبوك”: “الحقيقة أن الواحد ساكت بقاله سنين بس اللى حصل النهاردة لا يسكت عليه.. الاخلاق راحت فين؟! الإنسانيه راحت فين؟ ايه بجد اللى حصل للناس؟!”.
وتابعت: “مشهد بائس ومخيف ولايمت للإنسانية بصلة”.
واستكملت: “أحمد يحى حارس مرمى الاتحاد السكندرى.. حارس مرمى مثابر ومجتهد وإنسان خلوق وشاب فى بدايات مستقبله، توفى أخوه من يومين ونزل الملعب ولعب ووقف وصد وعمل اللى عليه كله والأخطاء ما تخصوش وحتى لو تخصه ودا مش حاصل.. ليه الإهانات ليه الشتيمة ليه التعدى بألفاظ خارجة ليه كل دا؟.. ياعالم دى رياضة رياضة مش خناقة ما بين بلطجية.. دى متعة مش تعنيف”.
ومضت لقاء الخميسى قائلة: “ايه بقى امتى هاتفهم إن لاعب الكرة بنى آدم بيؤدى شغله وبيحس وبيحلم وعنده أهل بيزعلو لما بيتهان وهما يتهانوا معاه وعنده أم بتزعل وزوجة بتتجرح على جرحه”.
وأردفت: “كفاية بقى كفاية تكرهو الناس فى عيشتهم وشغلهم اللى بيبذلو فيه مجهود وبيحبوه… ماحدش ليه حق مطلق فى الشتيمة والإهانة.. أى حد بيشتم هل يقبل إنه يتشتم ويتهان؟ هل تقبل ده عليك وعلى أهل بيتك؟.. اتقوا الله بقى اتقوا الله”.
يشار إلى أن أحمد يحيى يعانى من حالة نفسية سيئة عقب وفاة شقيقه أول أمس الأربعاء، مما دفعه للخروج من أرضية الملعب عقب هتاف الجماهير ضده فى الدقيقة 80 من مباراة الاتحاد أمام سيراميكا كليوباترا بعد إحراز الأخير خمسة أهداف فى مرماه