ووعدني وقاللي راجع

ووعدني وقاللي راجع

كلمات الشاعر محمد عبد العزيز رمضان 

ووعدني وقاللي راجع

صدقته من جديد

إديته فرصه تانيه

والحلم مش أكيد

ولقيت الحب كلمه

والصدق شيئ بعيد

أنا كنت في إيده لعبه

وخدعني وكان سعيد

وعرفت بإنه خاين

غدار وبإيه يفيد

وياريت ما قابلته صدفه

من ظلمه بقيت شهيد

ورماني في الليالي

والموج عالي وشديد

مش ممكن أعيده تاني

ولقلبي هكون عنيد

هنساك يا أبو قلب خالي

لو حتى هكون وحيد

لو تعرف إيه جرالي

عايش تايه شريد

ووعدني وقاللي راجع

هنعيد كل اللي فات

نمسح كل المواجع

واللوم ويا الآهات

لا مش ممكن هتقدر

تخدع قلبي اللي مات

حبيتك مش هخبي

الشوق والذكريات

نار حبك جوا قلبي

وتعبت من السكات

محتاجلك تبقى جمبي

طول عمري مش ساعات

ووعدني وقاللي راجع

يا أجمل العيون

يا أغلى حاجه عندي

أنا مش ممكن هخون

وعليك أنا كنت غالي

والغالي إزاى يهون

وبنيتلك قصر عالي

ورمتني في الظنون

وتعبت من سؤالي

نار بعدك والشجون

فكرتك مش أناني

ولحبي راح تصون

هتبيع الكون عشاني

ورده فوق الغصون

لو تبعد عني لحظه

بعدك هو الجنون

ووعدني وقاللي راجع

ولقيته كان كلام

كان نظره وضحكه حلوه

من قلبى وابتسام

لو كان حبك حقيقي

طب ليه ترضى الخصام

أو كان قربك طريقي

راح يكفيك الملام

يا حكايه كتبها قلبي

تاهت جوا الزحام

ضيعت كل حبي

من غير كلمة وسلام

فخلاص البعد عنك

هيكون هو الختام