عاجل.. الكل عارف انك اتقتلت.. ابنة حفيد نوال الدجوي توجه رسالة مؤثرة لوالدها فى ذكري الأربعين

عاجل.. الكل عارف انك اتقتلت.. ابنة حفيد نوال الدجوي توجه رسالة مؤثرة لوالدها فى ذكري الأربعين

لقد وجهت نوال ابنه الراحل أحمد الدجوي حفيد سيدة الأعمال نوال الدجوي، رسالة مؤثرة لوالده فى ذكري أربعين رحيله.

وقالت نوال،” مرّ أربعين يوم ناس نسيت وناس لسه فاكره . الكل عارف إنه اتقتل و اتاخد من وسطنا .بس اللي علمهولنا هيعيش معانا طول العمر .. أنا عايزة أتكلم عن إزاي عاش، إزاي أنا وكل الي يعرفه المفروض نسعى نبقى زيه في جوانب كتير. من اول طريقته في معاملتي وأسلوبه في تربية اخواتي، لاهتمامه الدائم إنه يعرف كل حاجة حواليه ويتعلم التاريخ.عمره ما أخد حاجة كأمر مفروغ منه، كان دايمًا يحاول يتعلم أكتر، يكون أفضل، ويحقق كل اللي يقدر عليه، سواء في شغله أو حتى في أسلوبه في التربية.

وتابعت،” أنا بصراحة مش شايفه نفسي مؤهله إني أحكي لكم قد إيه كان ذكي، ولا عن الدكتوراتين اللي أخدهم، ولا عن كل الحاجات العظيمة اللي حققها في شغله، لكن أقدر أقول إنه ما فيش راجل يتقارن بيه كأب و ابن و أخ و صديق . هو ما كانش بس والدي، كان معلمي، وصديقي، وأكبر مشجع ليا.ومع كل ده، ما كانش بس أب ليا، هو اختار إنه يكون أب للكل. تحمل مسؤولية إخواته بعد وفاة أبوهم، ووالدته، وحتى خالتي و هي طفلة بعد وفاة أمها، أخدها تعيش معاه ومع أمي.

واستطردت،” كان راجل مفيش زيه، هو اللي كان رابطهم ببعض، اللي كان بيهتم بيهم وقت ما محدش كان مهتم، كان هو كل حاجة بالنسبة ليهم.الحاجة دي عمرها ما كانت مسؤوليته، لكنه فضل يزيد الحمل على نفسه بطيبة خاطر، كان هو مرساتهم.لو كنت مسافر مع أحمد الدجوي، كنت عرفت إن ما فيش داعي تقلق، كان بيخطط لكل حاجة، وبيفكر في اللي أنت عايزه و كل همه انه يخليك سعيد وبيعمل أكتر من اللي حد يتوقعه. كان زي البطل الخارق، أو على الأقل كده أنا كنت شايفه.

وقالت،” بس مش هكدب، أبويا مش مثالي، ومفيش حد مثالي. كان دايمًا تعبان، وده طبيعي جدًا، لما تكون الشخص اللي الكل بيعتمد عليه، إزاي مش هتتعب؟ من ماما نوال لحد أختي الصغيرة، الكل كان بيعتمد عليه، وهو كان أكتر من مستعد إنه يشيل الحمل ده و عمره ما اتهرب من المسؤولية عشان بس عيلته تبقى سعيدة وآمنة. هتفضل بنسبة ليا البطل و رمز الحب و الأمان”.