عاجل | حدفها بقالب انترلوك كسر عضم وشها.. الأمن يفحص فيديو الاعتداء على سيدة في #إمبابة
عاجل | حدفها بقالب انترلوك كسر عضم وشها.. الأمن يفحص فيديو الاعتداء على سيدة في #إمبابة
لقد اشتكت سيدة من قيام بلطجي بـ الاعتداء على والدتها وإلقاء قالب طوب انترلوك عليها، ما تسبب لها في إصابات خطيرة لتدخل بعدها العناية المركزة لتلقي العلاج، وطالبت برجوع حقها.
حدفها بقالب انترلوك كسر عضم وشها.. الأمن يفحص فيديو الاعتداء على سيدة في إمبابة
ووثقت ابنة المعتدى عليها الحادث من خلال فيديو قائلة: أنا هكحى اللى حصل بالتفصيل لوالدتى يوم السبت الساعه 7 الصبح تقريبا ماما صحيت وسمعت صوت عالى دخلت البلكونة بعد ما وقفت ع طول شافها اتحدف عليها قالب طوب انترلوك طبعا وقعت من طولها والدم غرق الدنيا وزحفت على ايديها لحد باب الشقه والمسافة م صغيرة وهى بتنزف وجيراننا والناس اللى شافوا اللى حصل خبطوا علينا.
وتابعت: وجرينا بيها من مستشفى لمستشفى لأن الوضع كان صعب جدا ومفيش مستشفى قبلتها وطبعا اللى ضربها واضح فى الفيديو وهو باصص عليها وبيرمى الطوب ووالدتى معاها موبايل بزراير مفيهوش كاميرا ومبتعرفش تصور أساسا وكل اللى تبعه مطلعين إشاعة إنها كانت بتصوروه علشان كده ضربها وطبعا ده محصلش لأن لو فى ايديها موبايل كان بالاولى ترن على حد فينا يلحقها مش تزحف علشان تفتح الباب وفى الصور صوره موبايلها اللى كانت سيباه فى الشقه جوه مكانش فى إيديها وبردو فى الصور جزء بسيط من العضم اللى اتكسر فى وشها وطلع فى العمليه اسفه على المنظر فيديو فيهم مبينه وهو بيضربها وفيديو لماما وهي نازله مع أخويا من البيت وهو موديها المستشفي روحنا 3 مستشفيات ودلوقتي هي فالعناية
وختمت: المكان إمبابة البصراوى شارع كمال حمزة.. عاوزين حق امى بأسرع وقت.