نصائح تحذيرية هامه
نصائح تحذيرية هامه
بعد عدت حوادث كثير موقع وجريدة مصر الآن يوجه لمتابعة بعد النصائح الهامة..
ترك الثلاجه بجوار البوتاجاز غلط.
وضع التكييف فوق الشاشه غلط.
توصيل اكثر من جهاز بيسحب امبير عالى في مشترك واحد غلط.
فونية البوتاجاز يتم تسليكها بحرص
موتور المياه لابد من تشغله حتي ولو دقيقه كل يومين حتي لو لم يستخدم.
ولو كنت مسافر ورجعت فك وش التهويه ولف المروحه بايدك وبعد ذلك قومي بالتشغيل.
وعند وجود راوسب في المياه بتسبب قفش للاولسيل ولو شغلتو وسبتو علي اساس انك مش بتسمع صوته اصلا لانك في دور عالي ممكن يكون قافش وانت مش واخد بالك ويتحرق.
التلاجه ماينفعش تتركن لفترات طويله.
الديب فريزر والتلاجه متعملش ناصح وتقول افصلهم طول الليل واشغلهم بالنهار علشان اوفر كهربا . بالعكس انت كده هتستهلك كهربا اكتر .سخان المياه الكهربا لو لاحظت انك فتحت البارد لقيت مياه دافيه افصلو فورا وهات فني يغير شيك بلف قبل ما تحصل كارثه والهيتر يضرب داخل الحله وتتكهرب.
الغساله اثناء الشغل فجأه لقيتها ب “ترقص حافية القدمين” ماتكبرش دماغك وتقول بعدين ولازم توقفها فورا وتجيب حد يشوف البلي والمساعدين والصليبه.بدل ماتدخل نفسك في قصة موتور وكارته.
كاتيل الشاي املي مياه علي قدر حاجتك علشان توفر في استهلاك الطاقه وتحمي طقم القواعد والمفتاح.