عاجل..فتاة قبطيه تتهم قس بالمجمع العام لكنائس الأقباط الإنجيليين بالتح.رش بها وبعدد من الفتيات
عاجل..فتاة قبطيه تتهم قس بالمجمع العام لكنائس الأقباط الإنجيليين بالتح.رش بها وبعدد من الفتيات
لقد اتهمت فتاة ” مريم صديق”، قس بالمجمع العام لكنائس الله الأقباط الإنجيليين، بالتحرش بعد وبعدد من الفتيات الأخريات.
وعلقت بعد صدور بيان من المجمع العام لكنائس الله الأقباط الإنجيليين، قائلة: “اليومين اللي فاتوا كانوا صعبين جدا جدا علينا لما البيان طلع أولا مكانش مفهوم ثانيا مخيب للآمال جدا.. كان عندنا أمل في بيان محترم رادع عن كدا. .بس بعد بعض الاتصالات قدرنا نفهم شوية حاجات مش مفهومة في البيان”
وتابعت “البيان مكتوب ان القس المتحرش ل ر قدم طلب بنفسه بتجميد كامل صلاحياته اتأكدنا بعدها ان لو كان اتكتب انه اتعزل هيكون من حق القسيس ل ر انه يرفع قضية على الكنيسة ويطالب بتعويض وعرفنا ان عادة مؤسسات كتير بترغم الافراد على الاستقالة في الحالات دي تجنبا لأي مسائلات قانونية.. المعلومة دي انا كنت على علم بيها من اول ما نزل البيان مش دي اللي ضايقتني، لو البيان كان وقف عند انهم قبلوا طلبه بتجميد صلاحياته وخلص عند كدا كان هيبقى افضل”.
واستطردت،” طيب ايه اللي انا معترضة عليه؟ الجزء التاني من الجملة “حتى يتم الفصل في سلامة موقفه من جهات رسمية مختصة”، في الأول مفهمناش مين الجهات دي؟ هل لسه في تحقيقات تاني؟ اكتشفنا انه لا الجهات الرسمية هنا مقصود بها القضاء القسيس المتحرش ل ر بيزعم انه هياخد حقه بالقضاء وهيرفع علينا قضية (مش عارفين ايه نوع القضية الوهمية اللي في دماغه بصراحة احنا كاناجيات مش علينا اي مسائلات قانونية)”.
وقالت ،” فى المجمع قاله تمام لو رفعت القضية والقضاء اثبت برائتك ساعتها ترجع قسيس تاني القسيس ل ر مش هيتوقف سنة بس! ناس كتير فهمت كدا بس هنا البيان قصده انه المجمع هيتولى مسئولية كنيسة القسيس المتحرش لمدة سنة كفترة انتقالية لغاية ما يتعين قسيس جديد ( او لو القسيس ل ر كسب القضية الوهمية اللي في دماغه ويرجع يمسكها)”.
وقالت، “بشكل رسمي القسيس المتحرش مبقاش عنده اي سلطة رعوية او إدارية في المجمع او الطايفة وبرغم من الخذلان اللي حاسينه من الطريقة اللي اتعاملنا بيها ومن الطريقة اللي وصلنا بيها انه يتعزل ومن اننا اتضطرينا ندخل هيئات ومحاميين يضغطوا في كل حتة عشان حد يتحرك ..ومن صياغة البيان الغير رادعة ..الا اننا بنحتفل اننا وصلنا لجزء من اللي احنا عايزينه ان القسيس دا معندوش سلطة تاني يقدر يأذي بيها حد تاني وعلى قد ما نقدر حامينا بنات تانية يحصلها نفس اللي حصلنا”.
واختتمت قائلة،” القسيس المتحرش مش بس عليه شهادات لبنات وإثباتات بإدانته لا كمان كلهم شافوا الاكاونت الفيك اللي عمله عشان يطعن في شرفي وصورته كانت منورة في السكرين شوت اللي اتحطت في الاكاونت بالغلط وفيها صورة الاكاونت بتاعه ودليل دامغ انه اللي عمل الاكاونت ودليل انه شخص مش شريف ولا يرقى للمنصب اللي هو فيه..مع ذلك معندهمش مشكلة يرجعوه لو القضاء برئه.. دلوقتي احنا مستنين نشوف ايه القضية اللي هو هيرفعها وربنا معانا.
فخورين بنفسنا ولو رجع بينا الزمن هنعمل نفس اللي عملناه تاني”.