أول تعليق من الممرضة المصرية ب #الكويت..بعد تصدرها التريند

أول تعليق من الممرضة المصرية ب #الكويت..بعد تصدرها التريند

بعدما تصدرت الممرضة المصرية التي تعمل بالكويت، صفاء رحمو، تريند مواقع التواصل الاجتماعي، خلال الساعات القليلة الماضية، بعد إنقاذها مسنًا في أحد المولات التجارية، حيث توقف نبضه بشكل مفاجئ، لكنها ساعدته على الإفاقة من خلال تمارين الإنعاش الرئوي.

ممرضة مصرية تنقذ مريض كويتي من الموت

وقالت الممرضة المصرية: متوقعتش إن حد بيصورني.

وأضافت صفاء رحمو، ممرضة الكويت: كنت في المول بتمشى أنا وابني، ودخل المحل علشان يشتري ألعاب، وفجأة سمعت صوت ناس بتصرخ وتقول إنا لله وإنا إليه راجعون، ففكرت إنه مات، وروحت علشان أشوفله النبض لقيت معندوش نبض ولا نفس، لجأت للإنعاش القلبي الرئوي عملت 30 نبضة لكنه مفاقش وعملت 30 نبضة تاني لقيته فاق الحمد لله.

وتابعت: لما المسن فاق سألته عن جنسيته، وقالي إن اسمه محمد، وقالي إنه مصري وعنده مشكلة في القلب.

واستكملت: متوقعتش خالص إن في حد بيصور أصلا، وإن الفيديو هينتشر على السوشيال ميديا بالصورة دي، وردود فعل الناس فرحتني أوي ومش متخيلة إن الفيديو وصل المشاهدات دي كلها والناس دعتلي.

واستطردت: الموضوع دا من كام شهر، ومخدتش بالي خلال الواقعة إن في حد بيصور، لكن فجأة لقيت الفيديو انتشر، وزمايلي بيتصلوا بيا ويبعتولي الفيديو.