عاجل|ننشراعترافات سارة خليفة أمام المحكمة: عمري ما شربت سجاير

لقد استمعت هيئة محكمة الجنايات إلى أقوال سارة خليفة في اتهامها و27 آخرين بجلب المواد المخدرة وتصنيعها كمواد تخليقية مخدرة، حيث قالت للمحكمة: “أنا أصلًا ما بشربش سجاير، وأخويا هو اللي بيشرب، لكن ما يقدرش يشرب قدام أبويا عشان إحنا بنخاف منه، عندي أولاد ومقدرش أأكلهم من الحرام، أنا خريجة كلية حقوق انتظام، ولما اتقبض عليا بقى عندي إعاقة في إيدي، كنت بساعد الناس كلها، وعمري ما شفت مخدرات ولا أعرف الناس دي، لما شوفت أخويا بيتعذب قولت أطلع أعمل فيديو وأتكلم، عمري ما مسكت فلوس حرام”.

وأضافت: “دخلوا بيتي وعذبوني وقلعوني هدومي قدام أخويا، وهو كمان قلع هدومه، أقسم بالله العظيم ما أعرف أي حاجة عن المخدرات، عندي أبلكيشنات، وبابا وماما ناس بيصلوا، أنا مظلومة، وجه دكتور كشف عليا ولقاني بنزف، عايزاك تشوف إيدي متقطعة، أنا طول عمري جدعة مع الناس، أتحاسب على إيه؟ أتحاسب عشان قولت إن أخويا بيتعذب؟ أقسم بالله قلعوني هدومي قدام أخويا، أنا هطلع أعمل فيديوهات وهفضحكم. عمري ما كسبت فلوس من الحرام”.

وكانت محكمة جنايات القاهرة المنعقدة في التجمع الخامس، قد بدأت اليوم السبت ثاني جلسات محاكمة المتهمة سارة خليفة و27 آخرين، لاتهامهم بتشكيل عصابة إجرامية منظمة تخصصت في جلب المواد المستخدمة في تخليق المواد المخدرة بغرض تصنيعها بقصد الاتجار، فضلًا عن إحراز وحيازة أسلحة نارية وذخائر بغير ترخيص.