طريقة عمل اللازانيا.
طريقة عمل اللازانيا.
اللازانيا بطريقه كريمي و بطريقه جديده روعه روعه روعه روعه هتعجبك وجربي المقادير
لتر حليب نصف لتر من ماء المكرونه جبنه رومي جبنه موتزاريلا فلفل اسود ملح سمنه او زبده علبه لازانيا لو هتعمليها على طريقتي يبقى هتحطي حوالي ٩ شرائح علي ٣ دور الطريقه حلوه قوي و موجوده على الصفحه وهتوفر معاكي كثير و هتقدري تعملى حوالي ٥ صواني من كيلو دقيق وجربي الطريقه طريقه عمل الصلصه الايطاليه للازانيا وجميع انواع المكرونه سهله وحلوه حلاوه بزياده وجربي المقادير ربع كيلو لحمه مفرومه بصل متوسطه جزره متوسطه كوب لبن معلقه صغيره فلفل اسود نصف معلقه زعتر معلقه صغيره كزبره ناشفه معلقه كبيره صلصه معلبه نصف كيلو طماطم 2 فص ثوم كبير رشه من بهارات اللحمه عدد ٣ ورقات لورا معلقه مرقه فوريه كبيره نصف معلقه صغيره شطه
هننزل باللحمه في الحله من غير اي دهون تتشوح شويه وهننزل بالبصل والجزر يتشوح شويه لحد ما يتبلوا بعد كده هننزل بعصير الطماطم والثوم والبهارات ونسيبهم لحد ما تتسبك والسمنه والزيت وبعد ما تتسبك كويس هننزل ب كوب اللبن تاخد غلوه واحده ودي هتديها طعم جميل.
الطريقه كل كوب من السوائل عليه معلقه كبيره من الدقيق و معلقه كبيره من السمنه البلدي او الزبده ها نشوحهم كويس على النار بعد كده هننزل بالسوائل ورشه من الفلفل اسود والملح و معلقه كبيره مرقه فوريه بعد كده تقدرى تضيفى جبن او زي ما تحبي هنرص الصينيه جزء من البشاميل ونحط عليهم شرائح اللازانيا او ممكن تضيفي قليل من الجبنه وتحطي حبه من البشاميل وتحطي رائق تاني وتحطي لحمه وشويه من الجبن وتقدري تعملي العكس وتحطي ما بين كل راق لحمه وجبنه انا مبحبش اعملها طلقات كتيره اوي وبحب الجبنه اكتر تقدري تعمليها بالطريقه اللي تعجبك وفي الاخر هتحطي بشاميل كتير كميه كبيره زي ما بتحبيها تنزلي على وشها با با لجبنه او ممكن تضيفي المتوفر عندك وصدقيني هتطلع طعمها كريمي اكنها معموله باقشطه ملحوظه ياريت تقري المعلومات المكتوبه علي العلبه وبالهنا والعافية.