ملف تفريز الخضار .

ملف تفريز الخضار .

⁩أولا..اكياس وعلب حفظ الطعام

اهم حاجه فى التخزين إحضار النوع الجيد ويوجد بها قفل امان من فوق والعلب التي لاتتفاعل مع الأطعمة للحفاظ على الصحة لجميع أفراد الأسرة.

⁦⁩تفريز الخضار

عندما تقومين بإحضار اي كيلو  من الخضار احضري كيلو واستخدمي جزء وضعي الباقى فى الفريزر في كل مره ما اعملب كده هتلاقى عندك على طول

⁩”البروكلى والقرع والسبانخ والبسله ”

نغسلهم جيدا  ونضعهم مقطعين والبسله متفصصه وياريت نصفيها خالص من المايه عشان تبقى متفرطه فى الكيس مش لازقه فى بعض

⁩الكرنب

يتسلق فى ماء وكمون صحيح ويقطع حسب الاستخدام ويوضع في الفريزر.

“الفاصوليا والباميه”

بعد الغسل والتقطيع ينزلوا ماء مغلى لدقيقتين ونضع على ماء مثلج به مكعبات تلج للحفاظ على اللون

⁩ورق العنب

يفرد ويرص جيدا ويجمد فى اكياس الحفظ وعند الاستخدام ويوضع في مياه سخانه يتسلق على طول من غير ما يفك

⁩الخرشوف

نظفيه وحطيه فى ماء وملعقتين دقيق كبار او عصر ليمون واسلقيه فيها ربع سلقه وطلعيه عى ماء مثلج وعلى الفريزر

⁦⁩الملوخيه

بعد ما تتقطف وتتغسل وانشفها بحطها فى اكياس واضغط عليها اطلع الهواء وعلى الفريزر وتطلع على الكبه وهيا مجمده تتفرم وعلى الشوربه على طول

⁦⁩الطماطم

بجيب الطماطم واغسلها كويس واعملها علامه xبالسكينه من فوق

او قطعيها نصين

واحطها فى حله من غيره مايه خالص واسبها تنزل مايتها واطلعها اقشرها

وبعد كده اضربها بالهاند بلندر او فى الخلاط و اضرب معاها فلفل الوان احمر

واسبكها على النار بمعلقه سكر لغايه ما تتقل خالص وتبقى صلصه

واطلعها على برطمانات متعقمه بس لما تهدى شويه وتبرد واهم حاجه منملاش البرطمان على الاخر نسيب مكان فاضى عشان هتتمدد فى الفريزر وممكن تكسر البرطمان

وممكن طبعا نحطها فى اكياس محكمه الغلق مخصصه للطعام

⁩طريقه اسهل للطماطم

نغسل الطماطم كويس اوى ونحطها فى حله على النار بدون ماء لان هيا هتنزل مايتها

وبعد كده نضربها كويس مع فلفل الوان احمر ونصفيها

ونرجعها على النار تتسبك مع معلقه سكر

ونسبها تبرد ونحفظها فى برطمانات متعقمه وناشفه تماما

⁩عصير الطماطم 

وممكن طبعا تضربيه مع فلفل احمر الوان وتصفيها وتشيليها كده فى اكياس فى الفريزر

⁩خضره المحشى

الشبت والبقدونس والكزبره بغسلهم كويس وانقعم شويه فىً مايه وخل واغسلهم تانى وانشفهم شويه فى فوطه

وبعد كده بضربهم بالكبه واحفظهم فى اكياس حفظ الطعام واطلع منهم على الخلطه على طول

⁩الثوم

التوم بيتقشر ويضرب مع شويه ملح صغيرين ويحفظ فى برطمانات فى الفريزر