طريقه عمل المايونيز او التوميه
طريقه عمل المايونيز او التوميه
هنعمل المايونيز او التوميه
بنفس طريقه المحلات وكمان من غير بيض وطعم روعه وجربي.
كوب لبن ،كوب زيت
كوب ميه،معلقتين نشا
معلقتين كبار من المسترده
ثلاث فصوص ثوم
رشه ملح، معلقتين كبار خل
معلقه كبيره قشطه
معلقه كبيره عسل نحل لو مش متوفر معلقه صغيره سكر.
على النار هنحط الميه والنشا ونقلبهم كويس واول ماتغلى ويبقى لونها شفاف وتتقل هتسيبها تبرد لحد ما تبقي كتله. في الخلاط هنحط المقادير كلها ونشغل الخلاط ونضربها شويه ميعاد الثوم و خليط النشا هننزل بالخليط النشا قطعه قطعه واول ما يمتزج ويبقى كريمي لو عايزاها توميه هتنزلي بالثوم لو عايزاها مايونيز كده تمام خلصت تقدري تضيفي بابريكا او اي صوص بتحبيه زي المطاعم ملحوظه ما تحطيش خليط النشا مره واحده عشان ما يتقالش على الخلاط لو عندك هاند بلندر او كبه هيبقى افضل .
وكده خلصت وصفتنا.
بالهنا والعافيه.