لينجويني بالكبده
لينجويني بالكبده
مكرونة لينجويني مسلوقة ومتصفية
نص كيلو كبدة شرايح
ملح وفلفل وليمون وخل وبابريكا
بصل وتوم مفروم
زيت أو سمنة
فلفل ألوان متقطع شرايح
جبنة مبشورة للتزيين (النوع اللي بتحبيه)
انقعي الكبدة في شوية خل وليمون لمدة نص ساعة.
صفي الكبدة وحطي عليها ملح وفلفل ورشة بابريكا.
في حلة أو طاسة على نار متوسطة، ضيفي الكبدة بتتبيلتها وحطي عليها السمنة والبصل والتوم وقلبي كويس. وأول ما لونهم يدبل، ضيفي الفلفل الألوان وقلبي من جديد. ولما الكبدة تشرب كل السوايل وتبدأ تستوي وتتحمر، حطي المكرونة في طبق، وضيفي الكبدة بالخليط بتعها وقلبيهم في بعض.
رشي على وش الطبق وهو سخن كمية كافية من الجبنة المبشورة عشان تسيح.